കവിത എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ
കവിത എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ

വ്യാഴാഴ്‌ച

കുളമില്ലാതായി പോയൊരു കുളം!



ഇന്നലെ രാത്രി  ആമിനയെ സ്വപ്നം കണ്ടു !
ജൂണ്‍ ഒന്നാം തീയതി സ്കൂൾ തുറന്നപ്പോൾ ,
കുളമാങ്ങയും മഷിത്തണ്ടും ക്ലാസ്സിൽ
കൊണ്ടുവന്ന ആമിനയെ !
റ്റി. വിയിൽ വരണ്ടുണങ്ങിയ കേരളം
കണ്ടത് കൊണ്ടാകണം അവളെ കണ്ടത് !

അതേ ക്ലാസിൽ , അതെ ബെഞ്ചിൽ ഇരുന്ന്
പഠിച്ചപ്പോഴാണ് മലയാളം വാദ്യാർ
കേരളം പിരിച്ചെഴുതുക എന്ന ചോദ്യത്തിന്
എന്റെ തുടയിലും കയ്യിലും അടിച്ചതും !
കേരളം പിരിക്കാൻ പറ്റില്ലെന്ന് ഞാൻ !
അതെന്താടാ പിരിച്ചാൽ എന്ന് സാർ !!?
കേരം + കുളം എന്നതാത്രേ കേരളമായത്‌ !!

എട്ടാം ക്ലാസ്സിൽ വെച്ച് തന്നെ ആമിനയെ
കെട്ടിച്ചയച്ചു !!
പെണ്ണുങ്ങൾ അത്രയും പഠിച്ചാൽ മതിയെന്ന്
പൊട്ടനായ അവളുടെ ബാപ്പ !
അവളിപ്പോൾ കെട്ട്യോനും കുട്ട്യോളുകളുമായി
വെള്ളമില്ലാതെ വരണ്ടിരിപ്പുണ്ടാകും !

കേരളത്തിൽ  കുളമില്ല !
കുന്നം കുളവും കായം കുളവും
കുളമില്ലാതായിട്ട്  എത്രയോ വർഷങ്ങൾ !!
പാടങ്ങളുമില്ല  പുഴകളുമില്ല
എല്ലാം വരണ്ട്  വിണ്ടിരിക്കുന്നു !
കുളത്തുപ്പുഴയുമില്ല !തൊടുപുഴയും !
എല്ലാം പേരിൽ മാത്രമൊതുങ്ങുന്നു .
വരണ്ടു പോയ നിലത്ത്
വിരണ്ടിരിക്കുന്ന ചില കോലങ്ങൾ . !!


കേരവും ഇല്ല !
കേരളവും ഇല്ല !
നല്ല പെണ്ണുങ്ങളും !!
നാടിനെ കുറിച്ചോർക്കുമ്പോൾ
കുളിരാർന്ന ഓർമ്മകളും ഇനി വരികയില്ല .





 

വെള്ളിയാഴ്‌ച

The song of Arabian sea !

Dear God ,
as you promised
I travelled through the
windy hauling sea
by the guidance of a sea hawk! and

Iam
now sitting near Ajman sea shore
and sitting on the highest rock
which will never dash away with
the husky winds !

Please don't call me a rock !
as ,your son called called Peter the fisherman .
Iam a broken sand.
which will washed away any moment
with this heavy wind !

Iam
now sitting in the middle of a mob alone,
they are watching me as a wanderer !
and Iam watching the wonders in front of me .
A philipino girl is swimming like a mermaid
with her arabic boy friend !
A russian girl , half naked with her leather jacket
to trying to sell her flesh for 100 $ !
On my left side ,
I can read the board as Ajman Beach club
and my right is Ajman Beach Hotel !
I read from my books that,
people are spending their leisure time for wine and women !

Iam sitting in the middle of that two places
as your son hang on the highest cross
between two thieves !

No body welcomed me !
No body aknowledged me !!
Except some sharks comes near by
to taste my blood as their dinner !

In my back a big and wast desert is
waiting for me !
and in front a big ocean !!
can I lift my face to the highest
where all blessings are coming ?

Bobber !

 
 
 
 
Nothing more to loose !
Nothing more to gain !!
Just flotting on the top of water .
Until its go down ...........!


When
Iam going to the deepest of the water,
to kiss the sand,
Make me know  
He is stronger than me .

Dont'
try to pull me back to the shore .
unless  and until
I go down
don't push me back hard
It may break our strings !
Make sure ,
the ties and bonds  of the strings are strong
before you pull me back from my paradise  !

( These are the first 5 poems of the book Going to publish soon and named as " journey of a Fisherman " . Now those who wants to criticize , suggestions , write essays or study ...or teach their students and children :) :) :) ....Here ends the first part :)

ബുധനാഴ്‌ച

Bait fish !

 Iam a little bait fish!
Iam not fake !
but........
Iam real .!!!

 Iam swimming through the
winds of the wave to
remove the hook from my back !!

You may think,
Iam laughing and dancing
... while Iam swimming through these waves.
and shocking to see the beauty of the nature !!

You can love me .
you can adore me !
and
you can smell me too ..
when you sense the smell of blood ,
you can think that ,
my heart is bleeding only for you !!!

You can crush me with
your bloody tooths !
You can chew me with
darkend parts of your toung !!

but beware ............
the strings are not with me ..
somebody is holding me
just only for you to catch bigger !

Just you want to know that ,
I love you !!

NOMAD

ഞെട്ടിയില്ല !
ഞെട്ടറ്റു വീണില്ല !!
എട്ടായെങ്ങും പൊട്ടിത്തെറിച്ചില്ല !!!
പൊട്ടാറായൊരു നൂലിന്‍ തുമ്പില്‍
തൂങ്ങിയാടും സദാചാര ജീവികള്‍ .

അവള്‍
തെരുവിന്റെ സന്തതി !
തെരുവില്‍ പെറ്റു പോയവള്‍ !!
തെറ്റുകള്‍ കുറ്റങ്ങള്‍ അറിയാത്തവള്‍ !!!
തിരൂരില്‍ .............
തന്തയാരെന്നറിയാത്ത
തായോളി മക്കള്‍ ഭോഗിച്ചു തിമിര്‍ത്താടി !!!

അവള്‍ nomad  !
വീടില്ലാത്തവല്‍ !
നാടില്ലാത്തവല്‍ !
നാടിന്റെ നാട്യ ശീലങ്ങള്‍ വശമില്ലാത്തവല്‍ !!

പല്ലിന്റെ മൂര്‍ത്തു കൂര്‍ത്ത
ദ്രംഷ്ടകള്‍ കാട്ടി
നുണകള്‍ കാച്ചി
നുണക്കുഴികള്‍ കാട്ടി
നാഭി ചുഴികള്‍ കാട്ടി
നാവിലെക്ക് നിന്നെ  വശീകരികരിക്കുവാന്‍
വശമില്ലാത്ത ബാലിക !

കത്തിച്ചില്ല മെഴുകുതിരികള്‍ ഒന്നുമേ !
എത്തിയില്ല സദാചാര പോലീസുകള്‍ !!
തെരുവില്‍ ..............
തിരൂരിന്റെ തെരുവില്‍
തീറ്റയായി
ഉറുമ്പുകള്‍ക്ക് തീറ്റയായി ... !

അവള്‍ Nomad !!
ഭ്രാന്തമായ ലോകത്ത്
ഭ്രാന്തില്ലാതെ ഒറ്റയ്ക്ക് തെണ്ടുന്നവല്‌ !

അവള്‍ നാടോടി !
നാടോടുമ്പോള്‍
നടുകെ ഓടാന്‍ ത്രാണിയില്ലാത്തവല്‍ !!!!
നടുവൊടിഞ്ഞ കൊച്ചമ്മര്‍ക്കൊപ്പമെത്താന്‍
ഒട്ടുമേ ശേഷിയില്ലാത്തവല്‍ !

അവള്‍ nomad !
രോഗികളായ ഭോഗികള്‍ക്ക് വേണ്ടി
ഭോജന ശാലകള്‍ തുറക്കപ്പെടുവാന്‍
വിധിക്കപ്പെട്ടവല്‍ !

ഇനി വരികയില്ല ഒരു രക്ഷകനും
രക്ഷക്കായി
കര്‍ണ്ണന്റെ
കവച കുണ്ടലങ്ങളുമിനിയില്ല !!
ചതിവില്‍ നിങ്ങളെ അകപ്പെടുത്തി ..
എല്ലാം അവര്‍ സ്വന്തമാക്കി !!

പൊരുതുക പൊരുതുക.....................
ജീവന്റെ അവസാന തുള്ളികള്‍
പോയി മറയും വരെ എങ്കിലും
നിങ്ങള്‍ക്കായി
നിങ്ങള്‍ തന്നെ പൊരുതുക ! 














 

ഞായറാഴ്‌ച

ലോനപ്പന്റെ വ്യാകുലതകള്‍ !


നാട്ടാര്‍ക്ക് അത് അത്ഭുതമായിരുന്നു !
ചറപറ ചറപറ ചറപറ
ചിലച്ചു നടന്ന കറവക്കാരന്‍ ലോനപ്പന്‍
പെട്ടന്നൊരു ദിവസം നിശബ്ദനായി !

കറവക്കാരന്‍ ലോനപ്പന്റെ
മുറുക്കാന്‍ തെറിക്കുന്ന വായില്‍ നിന്നും
ഉറക്കെ തെറിക്കുന്ന വാക്കുകള്‍ ഇല്ലാതെ
കവല മൂകമായി !

ലോനപ്പന്റെ സ്തംഭനത്തിന്റെ
ഉള്‍ ചുഴികളിലേക്ക്
 നാട്ടുകാര്‍
കഥകള്‍ നെയ്ത് മുങ്ങാം കുഴികളിട്ടു .

ലോനപ്പന്റെ മൗനം ,
കാലത്തിന്റെ നെലോളിയാണ് എന്ന്‌
പലര്‍ പലോട്ടം പറഞ്ഞു നടന്നു .

നാട്ടിലെ പശുക്കളുടെ അകിട് കാണുമ്പോള്‍
വിവരങ്ങള്‍ അറിയുന്ന ലോനപ്പന്‍ ,
വിവരമേ ഇല്ലാതെ ,
അടച്ചുറപ്പില്ലാത്ത വീട്ടില്‍  കഴിയുന്ന
ലോനപ്പന്റെ പെണ്മക്കളുടെ സങ്കടം കാണാതെ പോയി
എന്നും ചിലര്‍ .

നാള്‍ക്കുനാള്‍ വളരുന്ന ലോനപ്പന്റെ മക്കളുടെ
അംഗ ലാവണ്യത്തില്‍ ലോനപ്പന്റെ കണ്ണുകള്‍ ഉടക്കിയില്ല എങ്കിലും ,
അഴകോടെ വളരുന്ന പെണ്മക്കളെ ആരൊക്കെയോ കണ്ടു പോലും !

അതല്ല ,
ലോനപ്പന്‍ ബുദ്ധിജീവിയായതാണ് എന്ന് ചിലര്‍ .
വന്മരം ഒന്നിനൊളിക്കാന്‍ ഒരു വിത്ത്‌ പോരെ എന്നായി അവര്‍ .
വിദ്വാന് മൗനം ഭൂക്ഷണം എന്നാണല്ലോ ഒരിത് !

ലോനപ്പന്‍ ഇല്ലാത്ത കവല
ഒബാമയില്ലാത്ത അമേരിക്ക പോലെ
എന്ന്‌ ചിലരെങ്കിലും പറഞ്ഞു .

ലോനപ്പന്റെ മൗനം വളര്‍ന്ന് ഒരാല്‍മരമാകാന്‍
അവര്‍ കാതോര്‍ത്ത് കാത്ത്‌ നിന്നു.
ലോനപ്പന്റെ വായില്‍ നിന്നും
എന്തെങ്കിലും ഒന്ന് വീഴാന്‍ അവര്‍ കാത്ത്‌ നിന്നു .

ഒടുവില്‍.
അത്ഭുതം !
അത്ഭുതം !!
ആകാശങ്ങളില്‍ അത്ഭുതം !!!

ലോനപ്പന്‍ കാണാതിരുന്ന ,
നാട്ടാര് കേള്‍ക്കാതിരുന്ന ,
ലോനപ്പന്റെ സങ്കടം ,
പെണ്മക്കളുടെ സങ്കടം
കര്‍ത്താവിനെ കേള്‍പ്പിക്കാന്‍ ,
ലോനപ്പന്‍ ,
ആകാശത്ത്‌ നിന്നും ഇറങ്ങി വന്ന
വള്ളിയില്‍ നേരിട്ട് യാത്രയായി പോലും !

വെള്ളിയാഴ്‌ച

പച്ച രക്തം



ഞാനിപ്പോള്‍ നില്‍ക്കുന്നത്
തകര്‍ന്ന് പോയൊരു
പുരാതന പട്ടണത്തിന്റെ
പടി വാതില്ക്കലാണ് .

വിശപ്പിന്റെ വിളി
കഠിനമായത് കൊണ്ടാകണം
വിളറി ഒട്ടിയ ധാരാളം മുഖങ്ങള്‍
പേരറിയിക്കാതെ
വിളിച്ചു പറയുവാന്‍ ഒന്നുമില്ലാതെ
മൂകമായ് നടന്ന് നീങ്ങുന്നു .

നര ബാധിച്ച
മരങ്ങള്‍ക്കും മേഘങ്ങള്‍ക്കും
ഒരേ നിറവും ഭാവവും !
പണ്ടെങ്ങോ പ്രതാപികളായിരുന്ന
കെട്ടിടങ്ങളും മൃഗങ്ങളും
മണ്ണോടു ചേരുവാന്‍ വിതുമ്പി വെമ്പി
മണ്ണിന് മുകളില്‍
മുഴച്ചു നില്‍ക്കുന്നു .

നന്മ തിന്മകളെ വേര്‍തിരിക്കും പോലെ
പട്ടണത്തിന് നടുക്കായി ഒരു
പുഴ ഒഴുകുന്നുണ്ട് .
ഇടയ്ക്കിടെ അരുതേ അരുതേ എന്ന്‌
പുഴയിലെ ഓളങ്ങള്‍ പട്ടണത്തോട്
വിളിച്ചു പറയും പോലെ
കരയിലേക്ക് ഒഴുകി എത്തുന്നുണ്ട് .

അപ്പോഴും
പുഴക്കക്കരെ മലമുകളിലെ
പച്ചരക്തം കുടിക്കുവാന്‍
ലക്ഷ്യമിടുകയായിരുന്നു
വിദേശ നിമ്മിത മിസൈല്‍ ഒരെണ്ണം .



ശനിയാഴ്‌ച

ജീവിതങ്ങള്‍ .

ഒരിക്കലും തമ്മില്‍ കണ്ടുമുട്ടാതെ ,
ഒരിക്കല്‍ പോലും തമ്മില്‍ ഒന്ന് ചുംബിക്കാതെ ,
എപ്പഴും ഇങ്ങനെ മലര്‍ന്ന് -
കിടന്നാല്‍ മതിയോന്ന്‌
മറിച്ചൊന്നു കൂടി ചിന്തിക്കാതെ ,
ചത്തത് പോലെ കിടക്കുന്നുണ്ട് കുറെ റെയില്‍ പാതകള്‍ .

ചത്തതില്‍ ഉറുമ്പരിക്കും പോലെ ,
വലിഞ്ഞും വലിച്ചും ഉരച്ചും മണത്തും ,
പിന്നെ ആരോടെന്നില്ലാതെ കയര്‍ത്തും ,
പുഴുക്കള്‍ പോലെ ,
രണ്ടറ്റവും കൂട്ടി മുട്ടിച്ചുകൊണ്ട്‌ ,
കുരച്ച് നീങ്ങുന്ന ഒരു തീവണ്ടി .

ആര്‍ക്കൊക്കെയോ വേണ്ടിയുള്ള
കുറെ ചരക്കുകള്‍ വണ്ടിയില്‍ .
ഒന്നിനൊന്നിനെ തമ്മില്‍ മുറുക്കുന്ന
കുറെ ചങ്ങലക്കണ്ണികള്‍ .
തമ്മിലറിയില്ല , മിണ്ടാറില്ല എങ്കിലും
ഒരേ ദിശയിലെ സഞ്ചാരികള്‍ !

പിന്നിലെ ഞരക്കങ്ങള്‍ മുറുക്കങ്ങള്‍
ഇവയറിയാതെ നേതാവ്
ചവുട്ടി വിടുന്നുണ്ട് വണ്ടി .
ഇനി ലക്‌ഷ്യം ?

വെള്ളിയാഴ്‌ച

മലര്‍ന്ന് കിടക്കുന്നതിന്റെ സുഖം !!

രാത്രിയില്‍ മലര്‍ന്ന് കിടന്ന്
അയലത്തെ വീട്ടിലേക്ക് ഒളിഞ്ഞു നോക്കുന്നത്
അടക്കം പറഞ്ഞ് ചിരിക്കുന്നത്
വെളിയിലിറങ്ങി വെളിക്കിരിക്കുന്നത്
ആകാശത്തെ നക്ഷത്രങ്ങളെ എണ്ണുന്നത്
കടലില്‍ തിരകള്‍ ‍ എണ്ണാന്‍ പഠിക്കുന്നത്
പണിയില്ലെങ്കില്‍ ഇതൊക്കെ എത്ര രസമാണ്

മഴയെന്തേ കൊണ്ടുത്തരാത്തത് എന്ന്
മേഘങ്ങളോട് കയര്‍ക്കുന്നത്
ചന്ദ്രനേ, നിന്‍റെ മൊത്തെ മീശതുമ്പെന്താ
അരിവാള്‍ പോലെ വളഞ്ഞിരിക്കാത്തത് എന്ന്
ചന്ദ്രനെ നോക്കി കുരയ്ക്കുന്നത്
നക്ഷത്രങ്ങളെ , നിങ്ങളുടെ പ്രകാശം കുറഞ്ഞ് പോയത്
പെട്രോളിന് വില കൂടിയത് കൊണ്ടാണോ എന്ന്
കളിയാക്കി ചിരിക്കുന്നത്
വറ്റിലെ ഇത്രേം വലിയ പാറക്കല്ലുകള്‍
ചുറ്റിക കൊണ്ട്‌ പൊട്ടിക്കണമല്ലോടി ഭാര്യെ
എന്ന് പറഞ്ഞ് കൂമ്പിനിടിക്കുന്നത്
ഒന്നും ചെയ്യാതെ ഉണ്ണുവാനും ഉടുക്കുവാനും
പിന്നെ മലര്‍ന്ന് കിടന്ന്
തുപ്പുവാനും എന്ത് രസമാണ്

എത്ര വിഴുപ്പ് നെഞ്ചില്‍ അലക്കിയാലും
പിന്നേം പിന്നേം വേണമെന്ന വാശികൂടുന്ന
വേശ്യപ്പെണ്ണിനെ പോലെ
 വാശി പിടിക്കുന്ന
ഒരിക്കലും നന്നാകാത്ത ഒരു നാടും നാട്ടാരും

റോഡില്‍ മലര്‍ന്ന് കിടന്ന് ബഹളം കൂട്ടുമ്പോള്‍
ഹമ്മര്‍ കയറി ഇറങ്ങി പോയ
തവളയേ പോലെ ആകരുതേ .

ശനിയാഴ്‌ച

ഇളക്കം

ചില നേരങ്ങളില്‍ ഇങ്ങനെയാണ് .
പൊട്ടിച്ചിരികള്‍ക്കും കരകള്‍ക്കും
ഇടയിലെ ഇടവേളകളില്‍ ,‍
ആ( മാ )ശയത്തിന്റെ
ഇടത്തേ വശത്ത്‌ കൂടി
ഒരു മിന്നല്‍ പിണര്‍ ഉയരും .
വെള്ളിടി വെട്ടും .
ആഴക്കടലില്‍ തിരകളും പേമാരികളും ഉയരും .
എവിടെങ്കിലും ഒന്ന് വേഗം
പോകണമെന്നും , ഇരിക്കണമെന്നും ,
ആള്‍ക്കൂട്ടത്തില്‍ നിന്നും ഒറ്റപ്പെട്ടാല്‍
മതിയെന്ന് തോന്നും .
ഒരു മറയുണ്ടായിരുന്നെങ്കില്,‍
മറഞ്ഞിരിക്കാമായിരുന്നു എന്ന് തോന്നും .
ആലോചിച്ച് നില്‍ക്കുമ്പോഴാകും
ആ( മാ) ശത്തില്‍ വീണ്ടും ഇടി മുഴങ്ങുന്നത് .
ഒന്നും ആലോചിക്കാതെ പിന്നെ ഓട്ടമാകും.
മറയും ബക്കറ്റും വെള്ളവും ഒട്ടും നോക്കാതെയുള്ള ഓട്ടം .
എല്ലാം കഴിയുമ്പോഴാകും ബക്കറ്റില്ലല്ലോ വെള്ളമില്ലല്ലോ
എന്നോര്‍ത്ത് പൊട്ടിക്കരയുന്നത്.‌
എല്ലാം ഉണ്ടായിരുന്നെങ്കില്‍ എന്ന സങ്കടം
കൊണ്ട്‌ കണ്ണ് നിറയും .
കണ്ണ് തുറക്കുമ്പോള്‍ കാണുന്നുണ്ട്
ഭിത്തിയോട് ചേര്‍ത്ത് വെച്ചിരിക്കുന്നു
ഒരു തുണ്ട് പേപ്പര്‍ !!!

ബുധനാഴ്‌ച

വെറുതെ , വെറും വെറുതെ ചില അതിരുകള്‍

ആഴത്തില്‍ എത്ര കിടന്നാലും
മുളയ്ക്കാനുള്ള വിത്തുകള്‍ മുളച്ചേ പോകും
ആഴിയില്‍ എത്ര അളന്ന്  കളഞ്ഞാലും
പോകാനുള്ളത് പോയീം തീരും
കാഞ്ചനം വേണ്ട , കാരിരുമ്പിന്‍ കൂട്ടില്‍ കിടന്നാലും
പാടാനുള്ള കിളികള്‍ പാടീം പോം
മഴയും വെയിലും മഞ്ഞും തണുപ്പും
ചുമയും കുരയും പനിയും വളിയും എന്തുവന്നാലും
എഴുതാനുള്ളത് എഴുതീം പോം
പിന്നേം പിന്നേം എന്തിന് വെറുതെ ,
വെറും വെറുതെ ഈ അതിരുകള്‍ ?

ഹബിള്‍

ഹബിളിനെക്കുറിച്ച് കവിതയെഴുതാമോന്ന് മകള്‍ .
ഇന്നലെ ത്രീഡിയുടെ അപ്പനായ ഐ മാക്സില്‍
കണ്ടത് പോരേന്ന് ഞാന്‍.
പോരാന്നു വാശിയോടെ മകള്‍ .
അപ്പന്റെ പോയംസില്‍ റൈംസുകള്‍ ഇല്ലന്ന്
എപ്പോഴും പറയുന്ന അവള്‍ ഇപ്പോഴെന്താണ് ഇങ്ങനെ ?

കല്ലിനെയും കവിതയാക്കുന്ന കാപ്പിലാനെ (അവടപ്പനെ )
കളിയാക്കാന്‍ വന്ന ലൂസിഫറെ,
കടക്ക് പുറത്ത് എന്ന് പറയണമെന്നുണ്ട് .
എങ്കിലും ....
മകളല്ലേ ! മുത്തല്ലേ !!

ബബിളുകളായ മനുഷ്യരെ കാണുവാന്‍ കണ്ണില്ലാതെ
അമേരിക്ക ആകാശത്തേക്ക് വിട്ട സ് ( കോ ) പ്പല്ലേ ഹബിള്‍
എന്ന് എഴുതണമെന്നുണ്ട് .
ഞാനവടപ്പനല്ലേ ?
എഴുതുന്നത്‌ കവിതയല്ലേ ?
എഴുതിയതില്‍ കവിത എവിടെ ?

എന്ത് ഞാനെഴുതും എന്ന ചിന്തയില്‍ ഇരിക്കുമ്പോഴാണ്
ത്രീഡിയില്‍ ‍ പോണ്‍ കണ്ടാല്‍ പ്രെഗ്നന്റ് ആകുമോ ?
എന്ന ചോദ്യവുമായി ദരിദ്രവാസിയല്ലാത്ത അയല്‍വാസി
മദാമ്മ മാര്‍ഗ്രറ്റിന്റെ ആഗമനം .
പത്രത്തില്‍ അവള്‍ ഇന്നലെ വായിച്ചത്രേ !!

ശല്യങ്ങള്‍ !!

മാറ് മദാമ്മേ ഗഹനമായി കവിത എഴുതുമ്പോഴോ
നിന്‍റെ വരവെന്ന് ചോദിക്കണം എന്നുണ്ട് .
എങ്കിലും അയല്‍വാസിയല്ലേ ,
ഒരാവശ്യം വരുമ്പോള്‍ ,
ഹണീന്ന് വിളിച്ച് വരുമല്ലോ എന്ന ആശ്വാസവും ഉണ്ട് .

ആരും ഇല്ലാത്ത നേരം വന്നാല്‍ ,
പ്രേഗ്നെന്റ്റ് ആകുന്ന മാര്‍ഗം കാണിച്ചു തരാമെന്ന് പറയണമെന്നുണ്ട് .

പക്ഷേ !
മകള്‍ അടുത്തില്ലേ ?
മകള്‍ക്ക് കവിത എഴുതുകയല്ലേ ?

ഹബിളിനെ കുറിച്ച്
എനിക്ക് പോയം എഴുതാന്‍ അറിയില്ല
ഡാഡി യൂ ലൂസ് !!
ഒരു ചിരിയോടെ അവള്‍ .
പോടീ .........തോറ്റത് നിന്റപ്പന്‍ !

ചൊവ്വാഴ്ച

ഞാനൊരു കവിയായിരുന്നെങ്കില്‍ !!

ഞാനൊരു കവിയായിരുന്നെങ്കില്‍ ,
ഒരിക്കലും പൂക്കാത്ത വേനല്‍ക്കാല പൂക്കളെ
മധുരതരങ്ങളായ വരികളാല്‍ വര്‍ണ്ണിക്കുമായിരുന്നു .
മുളം തണ്ടുകള്‍ ഉതിര്‍ക്കുന്ന സുവര്‍ണ്ണ ഗാനങ്ങളും
മഴത്തുള്ളി മഞ്ഞ് കണമായി തീരുന്നതും
നിങ്ങള്‍ക്ക് പറഞ്ഞ് തരുമായിരുന്നു .

ഞാനൊരു കവിയായിരുന്നെങ്കില്‍ ,
പ്രഭാതങ്ങളില്‍ പ്രാവുകളുടെ കുറുകലിനേക്കാള്‍
ഏറ്റവും ദുഃഖഭരിതങ്ങളായ വരികള്‍ കുറിക്കുമായിരുന്നു .
രാത്രികളിലെ ദുഃഖം നിറഞ്ഞ മനസുകളില്‍
തൂമഞ്ഞിന്റെ മധുരം നിറക്കുമായിരുന്നു.
തെറ്റുകള്‍ നിറഞ്ഞ പ്രണയത്തിന്റെ പ്രയാണത്തിലെ
തെറ്റുകള്‍ എല്ലാം ശരിയാക്കുമായിരുന്നു .

ഞാനൊരു കവിയായിരുന്നെങ്കില്‍ ,
മധുവൂറും കിനാവുകളെക്കാള്‍
മനോഹരങ്ങളായ ചിത്രങ്ങള്‍ വരച്ചു തരുമായിരുന്നു .

ഞാനൊരു കവിയായിരുന്നെങ്കില്‍ ,
ലോകം എത്ര നന്നാകുമായിരുന്നു !!

വെള്ളിയാഴ്‌ച

മിനോ


മിനോകളെ ഞാന്‍ സ്നേഹിക്കുന്നത്
കൊല്ലാനുമല്ല വളര്‍ത്താനുമല്ല എന്ന് നിനക്കറിയാം
ചത്ത മിനോകളെ വലിയ മീനുകള്‍
കൊത്താറില്ല എന്നും നിനക്കറിയാം

നീ ചാവാതിരിക്കുവാന്‍ വേണ്ടിയാണ്
വെള്ളത്തില്‍ കെട്ടിയിറക്കിയതും ,
നീ കിടക്കുന്ന
വെള്ളത്തില്‍ ജീവവായു കടത്തിയതും .
എന്നിട്ടും നിന്‍റെ
ഇടക്കിടെയുള്ള പരിഭവങ്ങള്‍ ,ഇളക്കങ്ങള്‍
എന്നില്‍ വല്ലാതെ വേദനയുണ്ടാക്കുന്നു
ചിലപ്പോള്‍ ചത്തത് പോലെ
വെള്ളത്തിലെ നിന്‍റെ കിടപ്പും സങ്കടം തന്നെ

ചൂണ്ടയില്‍ കൊരുക്കുമ്പോള്‍
നിന്‍റെ കണ്ണിലെ ഭീതിയും പിടപ്പും
എന്നില്‍ എന്ത് സന്തോഷമാണ് പകരുന്നത് ?
ഇത്ര നേരം നിന്നെ ജീവനോടെ കാത്തല്ലോ
എന്നതിന്റെ സന്തോഷം , ആനന്ദം !.
എന്നെ സാഡിസ്റ്റ് എന്ന് വിളിച്ചോളൂ !!

ആഴമുള്ള തടാകത്തിലേക്ക് നിന്നെ വലിച്ചെറിയുകയാണ്‌
വെള്ളത്തില്‍ നീ പിടയുമ്പോള്‍
നിന്നെ തേടി വലിയ മീന്‍ കൂട്ടങ്ങള്‍ വരും
എനിക്ക് ചിരിക്കുവാന്‍ ആഹ്ലാദിക്കുവാന്‍ വേണ്ടി
എന്‍റെ ചൂണ്ടയില്‍ ഒരു വലിയ മീനുമായി
നീ തിരികെ എത്തണം
അതുവരെ ഞാനീ കരയിലിരിക്കട്ടെ .

തിങ്കളാഴ്‌ച

വാഴ്ത്തപ്പെടുന്ന ദൈവങ്ങള്‍ക്ക് വേണ്ടി

വാഴ്ത്തപ്പെടുന്ന ദൈവങ്ങളെ ,
ഞാനീ വരികള്‍ കുറിക്കുന്നത് നിങ്ങള്‍ക്ക് വേണ്ടിയാണ് .
നിങ്ങളീ കത്ത് കീറിക്കളയും എന്നറിയാം .
എങ്കിലും,
ഞാനീ കത്ത് കുറിക്കുന്നത് നിങ്ങള്‍ക്ക് വേണ്ടിയാണ് .

പൊള്ളയായ വിഗ്രഹങ്ങള്‍ക്ക് ചുറ്റും
പുണ്ണ് പേറുന്ന പ്രാണികള്‍
വലം വെയ്ക്കുന്നത് പോലെ
ഒരു വിഗ്രഹങ്ങള്‍ക്ക് മുന്നിലും
ഞാന്‍ കൈകള്‍ കൂപ്പുകയില്ല ,
മുട്ട് മടക്കുകയുമില്ല .

വാഴ്ത്തപ്പെടുന്ന ദൈവങ്ങളേ ,
എന്തിനാണ് ഞാനിങ്ങനെ കത്തെഴുതുന്നത്
എന്നോര്‍ത്ത് തലയില്‍ പുണ്ണാക്ക് നിറയ്ക്കണ്ട.
നാവില്‍ ഗുളികന്‍ നില്‍ക്കുന്ന നേരത്ത്
നാവെടുത്ത്‌ പറയും മുന്‍പേ,
ഇന്നുകളില്‍ നിന്ന് കൊണ്ട്‌
നാളയെ കാണുക.
കണ്ണുകള്‍ ഉണ്ടെങ്കില്‍ തുറന്ന് കാണുക .

കണ്ണുകള്‍ ‍കാണാത്ത
കാതുകള്‍ കേള്‍ക്കാത്ത ദൈവങ്ങളേ,
കനകസിംഹാസനങ്ങളില്‍ നിന്നും
ഇറങ്ങി വന്നു കാണുക.
നാളെ നിങ്ങള്‍ തെരുവില്‍
തകര്‍ക്കപ്പെടുന്ന കാഴ്ചകള്‍
കണ്‍ കുളിര്‍ക്കെ കാണുക.

ഞായറാഴ്‌ച

മൂന്നാം സങ്കീര്‍ത്തനം -തിരുത്തിയത് .

ഓര്‍മ്മകള്‍ മനസുകളെ തേടുന്നതുപോലെ
ഒരു കൈ ഞാന്‍ കാണുന്നു.
ആ കൈയ്യില്‍ സൂര്യനുദിക്കുന്നു .
കറുത്ത് കറുത്ത് കല്ല് പോലുള്ള മനസ്സുകള്‍
കാണാമറയത്ത് മറയുന്നത് ഞാന്‍ കാണുന്നു .
കടന്ന് പോകുന്നത് പോലെ തിരികെ എത്തുന്നു
വാതിലുകള്‍ അടച്ചിട്ട ആയിരം മനസുകള്‍ .
കിളികള്‍ പറന്ന് പോയ ഒരു
കിളിക്കൂട്‌ ഞാന്‍ കാണുന്നു
ഓര്‍മ്മകള്‍ ഹൃദയത്തെ തേടുന്നത് പോലെ
കൂടുതല്‍ അനുഭവിക്കുവാന്‍
കുറച്ചു മാത്രം അനുഭവങ്ങളുമായി
വെറും കൂട് മാത്രമായ്.
ശൂന്യമായ ഏകാന്ത പക്ഷി
ശൂന്യാകാശങ്ങളില്‍ പറക്കുന്നത് ഞാന്‍ കാണുന്നു
പറന്ന് പറന്ന് ചില പേരുകള്‍
കിളി ഉച്ചത്തില്‍ ചിലച്ചു ചൊല്ലുന്നു
മഞ്ഞുരുകുന്ന ശബ്ദം പോലെ
കിളി പേരുകള്‍ വലിച്ചു കീറുന്നു.
എല്ലാ മഴയിലും
എല്ലാ വെളിച്ചത്തിലും
എല്ലാ മിന്നലിലും ഇടിയിലും
എല്ലാ കണ്ണാടിയിലും
കിളിയുടെ കണ്ണിന്റെ തിളക്കം
ഞാന്‍ കാണുന്നു.

നാവുകള്‍ രണ്ടായി കീറുന്നതും
നാവിലെ കീഞ്ഞ വാക്കുകള്‍
വേദനകള്‍ക്ക് ആക്കം കൂട്ടുന്നതും
തലകള്‍ ഇഴയുന്നതും
എല്ലാം ഞാന്‍ കാണുന്നുണ്ട്
കര്‍ത്താവേ നീ .....

വെള്ളിയാഴ്‌ച

നാരായണ ! നാരായണ !!

നാരായണ നാരായണ
പഴയ പാലമാണേ
പുതുവെള്ളമാണേ
തടിപ്പാലമാണേ
വൈകും മുന്‍പേ വീട്ടിലെത്തണെ
നാരായണ നാരായണ

പുഴയില്‍ ഒഴുക്കുണ്ടേ
പതിയിരിക്കുന്ന ചുഴിയുണ്ടേ
ചുഴികളില്‍ ചതിവുകളുണ്ടേ
പാലം കടക്കണേ
നാരായണ നാരായണ

ചാഞ്ഞും നില്‍ക്കുന്ന
മുളമരമാണേ
മുളയൊടിയല്ലേ
മുള വളയല്ലേ
നടുവൊടിയല്ലേ
മുളയെ പിടിച്ച് പോയിടാമേ
പാലം കടത്തണേ
നാരായണ നാരായണ

മുന്നിലൊരു നിരയുണ്ടേ
പിന്നിലുമുണ്ടേ പാരകള്‍
വീട്ടിലെന്റെ പെണ്ണോറ്റയ്ക്കാണേ
മൂവന്തിക്ക്‌ വീട്ടില്‍ വെട്ടമില്ലേ
അന്തിക്കിത്തിരി കള്ള്
മോന്തിയത്‌ നേരാണേ
നേരെ നടത്തണേ
നാരായണ നാരായണ

വെട്ടത്തിലൊരു ‍ മിന്നായം കണ്ടേ
വെള്ളത്തിലൊരു ശബ്ദോം കേട്ടേ

പാലത്തിന്നെന്നെ താഴെ ഇട്ടവനേ
പള്ള നിറയെ വെള്ളം കുടിപ്പിച്ചോനെ
ഭള്ള് വിളിക്കും  കൂരായണ
തൊള്ള ഉറക്കെ പള്ള് പറയും ഞാന്‍
കൂരായണ കൂരായണ കൂരായണ

വ്യാഴാഴ്‌ച

മലകള്‍ക്കുമപ്പുറം

ദൂരെക്കാണും മഞ്ഞ് മലകള്‍ക്കും
അപ്പുറത്തെങ്ങോ , എന്‍റെ ഭാവി  ജീവിതം
കുടുങ്ങിക്കിടക്കുന്നുണ്ടെന്നു ഞാന്‍
പേടിച്ചരണ്ട ദിനങ്ങള്‍ ഉണ്ടായിരുന്നു .

ഭയമെന്നെ പിടിച്ചടക്കി
യാത്രയില്‍ നിന്നൊഴിവാക്കി
കിടക്കയില്‍ ചേര്‍ത്ത് വെച്ച നാളുകള്‍


ആ നാളുകളിലൊന്നിലാണ്
എങ്ങുനിന്നോ ഒരു കനത്ത കയര്‍
കറുത്ത രാത്രിയില്‍ എന്നെ വലിച്ചെടുത്തത്
വായുവിലൂടെ ,
ഇരുട്ടിലൂടെ എന്നെ വലിച്ചുകൊണ്ട് ,
മലകള്‍ക്കും ഇപ്പുറത്തെന്നെ
 കൊണ്ടാക്കിയിട്ട്‌ പോയത് .

രാത്രിയില്‍ നിന്നെക്കുറിച്ച്‌
വളരെക്കരഞ്ഞു .
നീ തനിയെ അവിടെ ,
 ഞാന്‍ ഇവിടെ .
നീയും കരയുന്നുണ്ടാകണം
 
വിലാപങ്ങള്‍ക്കും  അപ്പുറം
ഇരുട്ടില്‍ നായ്ക്കള്‍ ഇപ്പോഴും
 മുരളുന്നു  കുരയ്ക്കുന്നു
കുരച്ചുകൊണ്ടേ ഇരിക്കുന്നു .

പരിഹസിക്കരുത് മന്ത്രി !!

മന്ത്രികുലത്തിനും കവികുലത്തിനും പാര്‍ട്ടിക്കും
"തിലക "ക്കുറിയായി വിളങ്ങും മന്ത്രി പുംഗവ
പരിഹരിക്കരുത് സഖാവേ പരിഹസിക്കരുത്
വിപ്ലവ പാര്‍ട്ടിയെ പരിഹസിക്കരുത് സഖാവേ  ..
സുകുമാരാ ,സുധാകര ,വൃകോദര, പരിഹസിക്കരുത്
 
നിമിക്ഷകവി കുഞ്ഞിക്കുട്ടന്‍ തമ്പുരാന്‍ നീയോ
അണികളില്‍ വിപ്ലവ വീര്യം കൊളുത്തും നീയോ
വരികള്‍ കുത്തി വെച്ചവന്‍ നീയോ
പറയൂ പറയൂ സഖാവെ
വിപ്ലവ പാര്‍ട്ടിയെ പരിഹസിക്കരുത് സഖാവേ ..
 
ചിന്തിക്ക്‌
ചന്തിക്ക്  ചക്കക്കറ പറ്റിയ പോല്‍
ചക്രം ലഭിക്കുവാന്‍ കസേരയില്‍ ചമ്രം പിണഞ്ഞിരിക്കുന്ന
സാംസ്കാരിക പുംഗവന്‍ നീയോ
" ഇത്രക്കഥ " പതിച്ച കേരളത്തില്‍
 സാംസ്കാരിക " തറവാടി " നീയോ
പറയൂ പറയൂ സഖാവെ
വിപ്ലവ പാര്‍ട്ടിയെ പരിഹസിക്കരുത് സഖാവേ ..
 
ഹോശന്ന ,ഹോശന്ന പാടിപ്പാടി
വഞ്ചിയില്‍ പഞ്ചാരച്ചാക്ക് വെച്ച്‌
തുഞ്ചത്തിരുന്നു തുഴയുന്ന മാവന്റെ വള്ളം
മുക്കുവാന്‍ മുപ്പത്‌ കാശ് കപ്പം വാങ്ങി
കീശയിലിട്ട കേശവാ !സുകുമാരാ !! പരിഹസിക്കരുത്
വിപ്ലവ പാര്‍ട്ടിയെ പരിഹസിക്കരുത് സഖാവേ ..

കമ്പളങ്ങള്ക്കൊരു ചരമ ഗീതകം ‍


ജീവിതത്തിന്റെ അവസാന നാഴിക വരെ
മുന്തിരിച്ചാറു പോലെ ജീവിതം
 ആസ്വദിക്കുന്ന സായിപ്പേ
എനിക്ക് നിന്നോട് അസൂയയാണ് !!

ഇന്നലെ നീയീ വെള്ളക്കമ്പളം പുതച്ചു നിന്ന
ഇലകളില്ലാ മരങ്ങള്‍ക്കിടയിലൂടെ
മഞ്ഞില്‍ വിരിയുന്ന പൂക്കളെ തേടി നടന്നപ്പോഴും
ഇന്ന് പൂത്തു നില്‍ക്കും മരങ്ങള്‍ തോറും നീ നിന്‍റെ
പ്രണയിനിയുമായി പൂത്തു നില്‍ക്കുമ്പോഴും
മുഖത്ത് ഒരേ ഭാവം , ഉല്ലാസം ,സന്തോഷം

ഋതുക്കള്‍ നാലിലും നിനക്കെങ്ങനെ ഇങ്ങനെ
പൂക്കള്‍ വിരിയിക്കുവാന്‍ കഴിയുന്നു ?
 
കടുത്ത ശൈത്യത്തിന്റെ കരിക്കമ്പളം നീക്കി
പ്രകൃതി ചിരിക്കുന്നു , പൂക്കള്‍ ചിരിക്കുന്നു
ദീര്‍ഘ നിദ്ര തന്‍ മണ്‍ കുടങ്ങളുമുടച്ച്
അണ്ണാര്‍കണ്ണനും ചില്ലകള്‍ തോറും ചിലച്ചു നടക്കുന്നു
വസന്തോത്സവം കൊണ്ടുത്തന്ന
ചുവന്ന നിറമുള്ള പക്ഷിയും സന്തോഷത്തിലാണ്

ഇപ്പോഴും പുറത്ത് തണുത്ത കാറ്റ് വീശുന്നു
പുറത്തേക്ക് നോക്കുവാന്‍ എനിക്ക് ഭയവുമാകുന്നു
ഇനിയും ഉണരാത്ത , ഉണര്‍ത്താത്ത എന്‍റെ
ഉറക്കത്തിന്‍ ആലസ്യവും വെടിഞ്ഞ്
ഇനി ഞാനെപ്പോഴാണ് ഒന്ന് ചിരിക്കുക ‍ ‍?